Friends

Is ek waqt ka tha intazaar  kabse,

Isi waqt ke sapne dekhe the najane kabse.

Bade utavle the zindagi me nayi cheezo k bare me janne ko,

Zindagi k har mushkil ko bahaduri se par kar jane ko.

Par najane q dil me aaj kuch pal aata hai,

Waqt ko rokne ka jee chahta hai.!!!

Jin baton ko lekar rote the aaj unhi pe hassi aati hai,

Najane q aaj unpalo ki yaad bohot satati hai.

Kahi unkahi hazzaron bate reh gayi

Na bhulne vaali kuch yaadein reh gayi.

Meri taang ab kon kheecha karega ?

Sirf mera sar khane ab kon mer picha karega ?

Free message schemes k dam par duniya bhar k PJ’s ab kon text karega ?

Aur mere sare Messages ka reply kon karega ?

Kon din me kam se kam 15 sms karke puchega Howz u ?

Aur fir Kanjus k tarah bolega “no free msgs left, chal bye, c u.

Me ab bina matlab k kisse ladunga?

Bina topic k kisse faltu me bakwas karunga?

Kon fail hone par dilasa dilayega ?

Aur kon galti se ache marks lane par gaaliya sunaega ?

Canteen me masala pav kiske saath khaunga ?

Vo haseen pal kiske saath jeeyunga ?

Aise dost kaha milenge jo humme fasane pe tule rehte hai,

Par problem jyada hone par hume chudakar ek sorry me sab nipta lete hai.

Mere gaano se kon pareshan hoga ?

Kabhi mujhe kisi ladki se baat karte dekh hairan kon hoga ?

Kon kahega chuhe tere joke pe hasi nahi aati,

Kon peechese bula ke kahega “aage dekh bhai!”

Last bench pe baithkarkiske saath Professor ki Tang kheechunga ?

Kiske saath baith kar boring lecture jhelunga ?

Professor’s k P.J par rakshas k tarah kon hasega ?

Bet me Harne vale ki treat,iss chakkar me ab kon fasega ?

Apne certificates ko RADDI kehne ki himmat kon karega ?

Kabhi Fail hone par KT dene ka garv kon mehsus karega !!

Achanak, bina matlab k kisiko dekh paagalo k tarah hasna

Na jane ye fir kab hoga

Keh do doston to aaj sab hoga.

Doston K liye professor’s  se kab lad payenge

Kya ye din fir se aa payenge ?

Subhe subhe saat baje Chinese Bhel khane kon jayega ?

Ek bottle pepsi 1-sip down pine ki shart kon lagayega ?

Kon mere kabiliyat pe mujhe bharosa dilayega ?

Aur zyada udne par Zameen pe le aayega ?

Meri Khushi me sach me khush kon hoga ?

Mere gam me mujse zyaada dukhi kon hoga ?

Meri ye kavita kon padega ?

Kon isse sach me samjhega ?

Abhi bohot kuch likhna baki hai

Kuch saath shayad baki hai

Bas ek baat se dhar lagta hai doston

Hum ajnabee na ban jaye doston

Zindagi k rango me, dosti ka rang bhika na pad jaye

Kahi aisa na ho dusre rishton k bheed me, dosti dam tod jaaye

Zindagi me milte rehne ki fariyaad karte rahe,

Agar na mil paaye toh kam se kam yaad karte rahe.

Chahe jitna haslo aaj mujpar me bura nahi manunga,

Isi hasi ko apne dil me basa lunga

Aur jab yaad aayegi tumhari, Yehi hassi lekar thoda muskura lunga Jerry Hai mera naam

Aur ye tha mere doston k liye ek chota sa pehgam.

\And always remember “ Never WORRY

When there’s JERRY”

I’ll be there any time u call me

The only problem is that it the call won’t be Toll-Free !!!!!!!

                                                                                                 -Written By

                                                                                                   Jerry Johns